Nongpoh, Risaw, 12: Kum kawei na ka thong ka NPP Party ban wan rah ïa ka jingïadei kaba jan hapdeng ki nongrep bad bad ka sorkar jylla, kaba dei ka thong ban kyntiew kyntiew ïa ka ïoh ka kot ki nongrep lyngba ki kam rep ki kam riang, ki heh nongïalam ka NPP Famer’s Front hynnin ka sngi Saitjaiñ ki la hiar sha Umroi na ka bynta ban pynskhem ïa ki nongïalam ka NPP Farmer’s Front jong ka Umroi Block.
Ïa kine ki nongïalam ka NPP Farmer’s Front jong ka Umroi Block la pynskhem ha ka jingïalang kaba la long ha Umroi Nongrah, ha kaba la don ryngkat u MLA ka Umroi u Bah Damanbait Lamre, u Bah H.M Shangpliang, u Bah Egenstar Kurkalang, kiba dei ki heh nongïalam ka National People farmers Front na ka jylla lem bad kiwei kiwei ki nongïalam ka NPP.
Kine ki Nongïalam ka NPP Farmer’s Front jong ka Umroi Block ba la pynskhem ha kane ka sngi da u MLA u Bah Damanbait Lamare ki kynthup ïa u Bah Stephan Shadap kum u President, u Bah Jackler Rymbai kum u General Secretary lem bad kiwei ki nongïalam bad dkhot ka Executive Member.
Haba kren ha kane ka sngi ba la pynskhem ïa ki nongïalam naduh u MLA ka Umroi u Bah Damanbait Lamare bad u Bah H.M Shangpliang, ki la pynshai ba ka jingthmu ka party NPP ban wan rah ïa ka Farmer’s Front ha man la ki Constituency, ka dei ka thong jong ka NPP ban phai khmat kyrpang sha ki nongrep bad lyngba ka jingdon kane ka shat ba peit ïa ki kam rep ki kam riang kan ïarap shibun ban tip ïa ka jingeh ki nongrep ha ka jylla.
Ki la ïathuh ruh ba ka NPP lyngba ka Farmer’s Front ki angnud ban don ka jingïadei kaba jan eh bad ki Nongrep bad kawei na ka thong ka long ban thaw ïa ki lad ki lynti ban ïarap sha ki nongrep bad kumjuh ban kyntiew ïa ka ïoh ka kot ki nongrep lyngba ki skhim bapher bapher ba la wan rah da ka sorkar, ki la bynrap.
