Mawkyrwat, Risaw 09: Ka Federation of Khasi Jaiñtia & Garo People (FKJGP) South East Khasi Border Circle Mawsynram Block hapoh ka jingïalam u President Bah Kyrmen Shangdiar hadien ba ka lap ïa ka jingbymbit bymbiang ki khynnah ha ka JNV Mawsynram kata naduh ki kamra klass, ki jaka sah bad ki jaka bam bad kiwei kiwei.
Kum ka Seng kam shym la shongthait bad shongkli-kti noh hynrei ka la buddien halor ka jingbym pat lah ban pyndep ïa ka jingtrei ïa ka JNV Mawsynram. Ym tangkata la ong ba markhmat ka la leit ban ïa kynduh ïa u Deputy Commissioner jong ka JNV Regional Office Shillong bad ïa u Chief Engineer jong ka CPWD halor ka jingsuki ban trei ïa katei ka shlem ai jinghikai namar ka jingdonkam kyrkieh ban pyndep noh namar ka la ktah bad buh jingeh ïa ki nonghikai bad khamtam ïa ki khynnah skul kiba pule ha JNV Mawsynram namar ka jingbymbit bymbiang ki kamra klass bad ki jaka sah.
Ka seng da ka jingsngewkhia halor katei ka jingeh ka la shim ïa ka synjam ban tuklar lem namar ka jingbym pat lah ban pyndep hapoh ka por kumba la bthah ban pyndep hynrei kaba sngewtynnad ka long ba na ka liang u Chief Engineer jong ka CPWD u la kular ba kin ïa leh ban pyndep noh hapoh u bnai Nohprah, 2025 bad ha u bnai Lber, 2026 yn pynkynriah noh ïa ki khynnah ha ka jingtei ba thymmai.
