Jowai, Risaw 08: Ka Nangbah Iawmusiang ka la pynliem noh da 2-1 kol ïaka Khliehïongriang SC ha ka jingïalehkai jong ka lympung phutbol kaba la tip da ka ‘13th Chatister Kharkongor Memorial Trophy First Division Football Tournament-2025’ bala pynïaid daka West Jaiñtia District Sports Association (WJDSA), kaba la long ha ka 08 tarik Risaw, ha madan Kiang Nangbah Stadium Dongmihsngi, Jowai.
ïa ki kol na ka Nangbah Iawmusiang la thep da u Pdianglang Sutnga haka minit ba 15 bad u Bantei Lamare haka minit ba 84. Katba ïa ka shikol na ka Khliehïongriang SC la thep da u Meru Suchen haka minit ba 50.
Ka jingïakhun haka 09 tarik u Risaw kan long hapdeng ka Nangbah Dukhu SC pyrshah ïaka Madan Thadmuthlong SC haka por 2 baje nohphai sngi.
