Shillong, Risaw, 07: Ki Pulit kiba la ïoh jingtip na ki tnat syntiat ha ka 3 tarik mynta u bnai ha ka por kumba 5.45 baje janmiet, ki la ïohbat ïa ki lai ngut ki briew kiba la tip kyrteng kum u Kalsang Mompha ba ju khot sin kum u Bota Dai, 54 snem ka rta, u Ricky Kharsyntiew, 38 snem bad u Jerry Syiem, 30 snem ka rta ha ka shnong Lama Villa, Block-IV, Shillong.
Na ka met jong kine ki lai ngut ki Pulit ki la ïoh kurup 10.5 gram u suba drok heroin, kawei ka synduk thep sabon bad hynriew tylli ki tyndong plastik na ka met jong u Kalsang Mompha bad u Jerry Syiem.
