Dei ban pyrkhing ïa ka rukom pyntreikam ïa ki aiñ pynïaid kali ha Ri Bhoi ba jur ka aksiden

Shillong Risaw 6: Ka Ri Bhoi district kala sakhi ïa ka jingjia aksiden ba khah khah, kaba la pynlong ïa u Myntri ka Sorkar Jylla u Bah Sostheness Sohtun, MLA ka Jirang Constituency, ban ban jur ïa ka jingdonkam ban pyntreikam pyrkhing bha ïa ka ain ñiah kali.

Haba ïakren bad ki lad pathai khubor ha ka sngi Nyngkong, u Bah Sohtun ula banjur ba ym lah ban batai lypa ïa ki jingjia aksiden hynrei ka tnad pulit ka lah pat ban leh ïa ka bynta kaba khraw ban tehlakam ïa kitei ki jingjia.

U Myntri ula pynpaw ïa ka jingkongsan ban bud pyrkhing ïa ki lad jingïada khamtam eh ha kaban deng ïa ki Helmet da ki nongñiah ïa ki thuk thuk.

Ula kyntu ïa u Superintendent of Police (SP) bad ïa ki bor kiba pynïaid kali ba ki dei ban pyrkhing bha bad ban leh da kaba tyngeh ïa ki nongñiah ïa ki thuk thuk ki bym bud ryntih iaki kyndon pyniaid kali, ban pynthikna ba kin ñiah ïa ki kali da ka jingshngaiñ bad ban ïaid ha ka lynti ne Lane ka jongki.

U Bah Sohtun ula ïengskhem ha ka ban ai jingmut ïa ki paidbah khamtam eh ïa ki nongñiah thuk thuk ba kin phong ïa ka helmet bad ban ym pynher sted than.