Jowai, Risaw 02: Ka kynhun ïalehkai jong ka Zemabawk YMCA na Mizoram kala long ka nong jop da kaba pynliem da 4-3 kol ïaka Laitlyngkot YMCA na Meghalaya haka jingïakhun phainal ka 2nd North East Region of YMCA Futsal Tournament bala pynïaid da ka Young Men’s Christian Association Jowai City ha Chalton Jowai Arena, Moosalyngkat.
Ïa kane ka lympung la pynlong ha ki ar sngi lynter kata haka 1 tarik bad ka 2 tarik u Risaw 2025 bala wan ban plie pyrda da u ma Khroobok Passah, District Sports Officer (DSO) ka West Jaiñtia Hills kum u kongsan, ha ka jingdonlang u Tbn. John Shullai uba dei Jowai City YMCA President, u Joe RZ Thanga, National Council of YMCA Representative, Rev. G.S. Shullai, General Secretary of Jowai City YMCA, ma Sandi Tariang (Regional Vice President, YMCA) bad ma Shamir J. Thabah, Regional Secretary of YMCA.
La wan ban ïashim bynta ha kane ka lympung da ki kynhun ba kynthup ïaka Aizawl YMCA, Nongtalang YMCA (Team A & B), Zemabawk YMCA, Laitlyngkot YMCA, Jowai City YMCA (Team A & B), bad ka Shangpung YMCA.
Ïa ki khusnam sha ki nongjop la sam da u Joe RZ Tanga, ma Sandi Tariang (Regional Vice President, YMCA) bad ma Shamir J. Thabah.
Ïa ka nam Player of the Tournament la ïoh rah da u Lalramsanga (Zemabawk, Mizoram), ka nam Best Futsal Team la ïoh da ka Laitlyngkot YMCA bad ïa ka nam Best Debut Team la ïoh rah da ka Aizawl YMCA.
