Jowai, Risaw 01: Ka lympung ïalehkai phutbol jong ka kyrdan 1st Division League 2025 bala pynïaid daka East Jaiñtia Hills District Football Association (EJHDFA) kaba la long hynne ka 01 tarik haka jingïakhun Quarter Final ha madan Artificial Diengshynrum, Khliehriat.
Haba phai sha ka jingïakhun ka Musniang SC kala jop da shikol 1-0 ïaka Khliehriat West YWSC, ïa katei ka shikol naka Musniang SC la thep da u Mardiphone Rymbai haka minit ba 90+4.
Lyngba kane ka jingjop ka Musniang SC kala ïoh ban rung sha ka Semi Final jong ka lympung ïalehkai 1st Division ka EJHDFA.
Ka jingïakhun Quarter Final ha kane ka 02 tarik u Risaw kan long hapdeng ka Wahiajer Narpuh SSC pyrshah ïaka Bataw YWSC haka por 2 baje nohphai sngi.
