Jowai, Risaw 01: Ka kynhun ïalehkai phutbol jong ka Riatsaliya SC Mihmyntdu kala long ka lahduh jong ka ‘5th Adelbert Memorial Trophy 3rd Division Football 2025’ bala pynïaid daka West Jaiñtia District Sports Association (WJDSA) hadien ba jop ïa ka final kaba la long ha ka sngi Balang ha Kiang Nangbah Stadium Dongmihsngi, Jowai.
Haba phai sha ka jingïakhun phainal ka Riatsaliya SC Mihmyntdu kala jop da 4-3 ïaka SCSC Nonglatem lyngba ka jingïashut Tie Breaker, hadien ba ka jingïalehkai ka la ïakhaid da 0-0.
Ïa ka nam Man of the Match la ïoh rah da u Bankerlang Rynjah naka SCSC Nonglatem, Best Goal Keeper la ïoh da u Kyntulangki Chyrmang naka Riatsaliya Mihmyntdu, Top Scorer la ïoh da u Meban Kharsoti haduh 7 kol naka Riatsaliya Mihmyntdu bad ka nam Player of the Tournament la ïoh da u Ditol Langshiang naka SCSC Nonglatem.
Ïa ki khusnam sha ki nongjop la sam da u kongsan jong kane ka sngi u ma K. Passah (DSO) uba dei ruh u Asst. Director ka Sports & Youth Affairs Meghalaya, ha ka jingïadonlang ki nongkitkam ka WJDSA, ki nongshah khot sngewbha nalor kiwei de.
