Shillong, Nailur 27: Ban pynthikna ïa ka jingsam kaba ïaid beit ïa ki 14.2 Kg LPG Cylinder sha manla ki thliew ïing, ka Deputy Commissioner (Supply), East Khasi Hills, ka la bthah ïa baroh ki dukan khaïi kum ki hotels/restaurants/dhaba/canteens/roadside street vendors bad kiwei, kiba hab hapoh ka East Khasi Hills District ba ki dei ban pyndonkam thikna da ki Commercial LPG Cylinder (5 kg/19kg/47.5 kg).
Ka jingpyndonkam ïa ki domestic LPG Cylinder ki jaka khaïi ka dei kaba pynkheiñ ïa ka Clause 3(C) & 7(C) of LPG (Regulation of Supply & Distribution) Order 2000. Kumta lada shem, yn pynshitom katkum ki kyndon jong ka aiñ.
