Jowai, Nailur 26: Ka lympung ïalehkai phutbol jong ka kyrdan Kesilroy Pala Memorial Super Division bala pynïaid da ka Thadlaskeiñ Sports Association (TSA) West Jaiñtia Hills kaba la long hynne ka sngi Thohdieng (26 tarik u Nailur, 2025) haka jingïakhun ïa ka 2nd Semi Final Eliminator ha madan Wahiajer Multi-Sports Complex.
Ka jingïakhun ha kane ka sngi ka la poi sha kaba kut ha kaba ka Nongkhroh Rim kala lah ban pynliem da 3-1 kol ïaka Wahiajer SC.
U Rahbok Synnah u la long u namtam ban ïalam ïa ka Nongkhroh Rim sha ka jingjop da kaba thep hi marwei ïa ka hat trik haka minit ba 39, 48 & 90+3. Ïa ka shikol na ka Wahiajer SC la thep da u Dauru Phawa (85’).
La pyntip ka jingïakhun Quarter Final jong ka kyrdan 2nd Division lashai ka sngi 27 tarik u Nailur ha ka por 1 baje nohphai sngi ka Nongdhar pyrshah ïaka Bamkamar. Katba ha ka por 3 baje nohphai sngi ka Laru pyrshah ïaka Myngkrem United.
