Jowai, Nailur 24: Ka lympung ïalehkai phutbol jong ka Kesilroy Pala Memorial Super Division bala pynïaid da ka Thadlaskeiñ Sports Association (TSA) West Jaiñtia Hills mynta ka sngi 24 tarik u Nailur ha ka jingïakhun Semi Final kaba la long ha madan Wahiajer Multi-Sports Complex.
Haba phai sha ka jingïakhun Semi Final ka Mukhla Raij kala pynliem da 4-2 kol ïaka Lumphyrnai Sohphoh, ïa ki kol na ka Mukhla Raij la thep da u Chandame Suna haka minit ba 16 & 47, u Welcome Sari haka minit ba 38 bad u Meker Pyrtuh haka minit ba 71. Ïa ki kol naka Lumphyrnai Sohphoh la thep da u Dapyntgen Suting haka minit ba 74 bad u Sumar Suting haka minit ba 90+ 4. Lyngba kane ka jingjop ka Mukhla Raij kala ïoh ban rung sha ka jingïakhun phainal jong kane ka lympung.
La pyntip ka jingïakhun Quarter Final jong ka kyrdan 2nd Division lashai ka sngi 25 tarik ha ka por 1 baje nohphai sngi ka Iawpynsin Wahiajer pyrshah ïaka Thadmusem. Ha ka por 3 baje nohphai sngi ka Maia Club Umjlasiaw pyrshah ïaka Madur.
