Shillong, Nailur 22: Ki pulit Anti Narcotic Task Force (ANTF) ka West Garo Hills District, ha ka 20 tarik ki la bat ïa kawei ka kali Maruti Celerio kaba kit ïa u drok heroin.
ïa kane ka kali la bat haka jingtalasi kali ha Kokaimari kaba hap hapoh Phulbari Police Station.
Ha kane ka jingtalsi, ki Pulit ka ANTF kila ïoh kurup 5 tylli ki Synduk sabon kiba don 53.67 gram u drok ba la suba ba u dei u heroin.
La ïathuh ba kane ka kali, kaba wan na Guwahati, ka ba kit 5 ngut ki briew kynthup ïa u nongñiah, u Noboruddin bad uwei u khynnah rit.
Ha ka jingtohkit la lap ba ïa u drok la wankit na Guwahati ISBT bad la thmu ban pynpoi sha uwei u briew ba kyrteng u Fazadur jong ka shnong Gomaijhora ha West Garo Hills District.
Ki Pulit kila kem ïa 2 ngut ki briew kata u Sahidur Islam (32 snem) uba na Pushkinipara bad u Nazim Uddin Laskar (39 snem) na Narainpur, Silchar bad la kurup ïa ka kali nalor u drok bad kiwei kiwei ki tiar katkum ki kyndon ain.
ïa kine ki briew la register case ha Phulbari PS (Case No. 40/2025) katkum ki kyndon jong ka aiñ NDPS.
ïa kine ki briew ba shah kem la phah sha ka ïingbishar ha ka 21 tarik u Nailur katkum ki kyndon jong ka aiñ NDPS.
U Superintendent of Police (SP) u Abraham T Sangma u la kyntu ïa ki paidbah ba kin long kiba husiar bad ban pyntip ïa kino kino ki kam kiba suba kiba ïadei bad ka jingkhaïi drok sha thanat lane Police Control Room (PCR) Tura.
