Jowai, Nailur 21: Ka Musniang SC bad ka Bataw YWSC kila ïoh ban buh jaka ïalade ha ka Quarter Final jong ka lympung ‘First Division Football League 2025’ ba la pynïaid da ka East Jaiñtia Hills District Football Association (EJHDFA).
Kane ka la wan hadien ba baroh ar tylli ki kynhun ki la jop ïa la ki jong ki jingïakhun ba la long ha ka sngi Saitjaiñ jong ka taïew ba ladep (20 tarik Nailur, 2025) ha madan Artificial Diengshynrum, Khliehriat.
Ka Musniang SC kala khur ïa ka jingjop ha ka jingïakhun kaba la noh shiliang ban pynliem suk da 8-0 kol ïaka Pamrakmai SCSC, ha kaba u Nikerda Dkhar u la long u namtam da kaba thep ïa ka hat trik, ha ka minit ba 69, 78 & 80. ïa kiwei pat ki kol na ka bynta ka Musniang la thep da u Mebanlamlynti Phawa (4’), u Michael Rymbai (32’), u Eleven Biam (53 & 75’) bad u Mehiwanki Siangshai (85’).
Haba phai pat sha ka jingïakhun kaba ar ka Bataw YWSC kala jop da ka said da tang 1-0 kol ïa ka Jalyiah United SC, bad ïa katei ka shikol la thep da u Damepaya Borloi haka minit ba 57 jong ka kylla miet.
