Jowai, Nailur 21: Ka jingïakhun Pre Quarter Final jong ka ‘Joybell Suiam Memorial 2nd Division Football League bala pynïaid da ka Thadlaskeiñ Sports Association (TSA) West Jaiñtia Hills kaba la long ha ka sngi Saitjaiñ (20 tarik u Nailur) ha madan Wahiajer Multi-Sports Complex.
Haka jingïakhun ba nyngkong jong kane ka 2nd Division ka Nongdhar kala pynliem da 3-1 kol ïa ka United Phyllong Ingkhaw, ïa ki kol na ka Nongdhar la thep da u Da o biang Dkhar haka minit ba 33, u Edris Suting haka minit ba 49 bad u Barit Lyngdoh haka minit ba 69. Ïa ka shikol na ka United Phyllong Ingkhaw la thep da u Lamjop Muruh haka minit ba 23.
Haka jingïakhun kaba ar ka Bamkamar kala pynliem da 1-0 kol ïaka Ryntih Mynsngat, ïa katei ka shikol na ka Bamkamar la thep da u Meshanmi Nongrum.
La pyntip ba ka jingïakhun kan bteng haka 22/09/2025 haka kyrdan ‘Joybell Suiam Memorial 2nd Division Football League haka por 1 baje nohphai sngi ka Laru pyrshah ïaka Myntoilang FC Bamkamar. Katba haka por 3 baje nohphai sngi ka Namdong-A pyrshah ïaka Myngkrem United.
