U dei u radbah uba pynlut ïa ka jingim ban shakri ïa ki paidbah bad ka jylla : President UDP

Shillong, Nailur 14 : Ka United Democratic Party (UDP) ka phah ka jingsngewlem halor ka jingkhlad noh jong u Myntri Rangbah barim ka Jylla u Dr. Donwa Dethwelson Lapang ha ka 12tarik mynta u bnai.
Na ka liang ka party ha ka kyrwoh na u President Bah Metbah Lyngdoh u la ong ba u Dr. DD Lapang u dei u radbah uba pynlut ïa ka jingim ban shakri ïa ki paidbah bad ïa ka jingkiew jong ka jylla.
U ong ruh ba ka jingïohi jngai jong une u Myntri Rangbah barim ka jylla ka pynlong ïa ka jylla ban kiew arted ha ka pule puthi, ka koit ka khiah, ka roi ka pa ha ki nongkyndong bad kyntiew ïa ka rukom im jong kiba bun ki briew bad pynkhlain ruh ïa ka nongrim jong ka jylla.
“Um dei shuh tang u nongmihkhmat hynrei u dei ruh u radbah ba wanrah ïa ka jingïatylli jong ki bor baroh ha baroh ka imlang sahlang,” ong ka kyrwoh.
Ka UDP lyngba u President ka phah ruh ka khubor sngewlem sha ki bahaiing ha sem khamtam ïa ka kurim jong u, Kong Amythyst Lynda J Blah bad ki baieid bathoin ha kum kane ka por ba sngewsih.