Shillong, Nailur 11 : Ka Meghalaya ka la sakhi haduh 12,405 ngut ki nongpang cancer ndauh u snem 2019 haduh u snem 2023.
Na baroh ki distrik, ka East Khasi HIlls kadei kaba bun eh ki nongpang cancer kaba la don haduh 5199 ngut bud pat sa ka West Garo Hills da ki 3398 ngut.
Hadien kane, ka West Jaintia Hills pat ka don 1127 ngut, ka Ri Bhoi da ki 1036, East Jaintia Hills 467, Eastern West Khasi Hills 455, West Khasi HIlls 416 bad ka South West Khasi Hills 307 ngut.
Ïa kane la ïathuh da ka Myntri ka tnad ka Koit ka Khiah ka jylla Kong Ampareen Lyngdoh ha ka jubab ba wanrah ha Ïing Dorbar ha kane ka sngi Palei.
