Jowai, Nailur 11: Ka jingïalehkai phutbol bala pynïaid daka West Jaiñtia District Sports Association (WJDSA) kaba la long hynne ka sngi Palei (11 tarik u Nailur, 2025) ha ka kyrdan ‘8th Debo Shullai Memorial Trophy 2nd Division Football 2025 bala pynlong ha madan Kiang Nangbah Stadium Dongmihsngi, Jowai.
Haba phai pat sha ka jingïakhun ba nyngkong jong kane ka sngi, ka Mulang Ialong kala pynjemkhnap da 7-0 kol ïaka NSA. ïa kine ki kol na ka bynta ka Mulang Ialong la thep da u Nidaroi Mulieh ha ka minit ba 8, u Richard Dhar ha ka minit ba 13, u Samehipaia Ryngki haka minit ba 49, 63 & 79, u Heimon Dkhar haka minit ba 53 bad u Tympang Tangliang haka minit ba 59.
Ha ka jingïakhun kaba ar ka Risingsun Mukhla kala pynliem noh da 2-0 kol ïaka Caroline Colony, ïa ki kol na ka Risingsun Mukhla la thep da u Alford Lyngdoh haka minit ba 2 bad u Stopper Bang haka minit kaba 7.
Katba haka jingïakhun kaba lai hapdeng ka Iawmulong Nartiang bad ka Khliehmynkrem kila poi sha ka jingïakhaid khlem don kiba ïoh ban thep kol (0-0).
