Jowai, Nailur 08: Ka 8 tarik u Nailur ka dei ka ‘World Literacy Day’ ne ka sngi kyrpang jong ka pule ka puthi bala pynbna da ka UNESCO naduh u snem 1966, shi bynta na kane ka RC Eve. Secondary School Mihmyntdu kawei na ki shlem ai jinghikai ïaki khynnah skul kiba wan na ka longïing kaba duk kila rakhe ïa kane ka sngi da kaba ai jinghikai sha ki khynnah skul shaphang ka jingkordor jong ka pule ka puthi ha ka juk ba mynta.
Ïa ka jingïalang la pynïaid da ka Jessica Biam, Headteacher ka RC. Eve Secondary School, Mihmyntdu la ïoh ka jingkren shaphang ka thong jong ka World Literacy Day na u Monte Carlo Chympa, Asst. Teacher RC Eve Secondary School bad kumjuh na ka Sister Pushpita Beck, Headmistress jong ka skul.
Ka phang jong ka World Literacy Day mynta u snem ka ong “Promoting Literacy in the Digital Era”, ha kaba u Monte Carlo ula kyntu ïa ki khynnah ban ïaid lang haka pule ka puthi ryngkat ryngkat bad ka jingïaid jong ka por da kaba pyndonkam ïa ki kor Computer bad kiwei de ki lad Technology.
Shuh shuh ula ong ka thong jong ka World Literacy Day ka long ban ai jingtip sha ki paidbah shaphang ka jingkorkor jong ka jingstad naduh ka thoh ka tar bad ka pule ka puthi, ula khot ïa ki khynnah skul ban long kiba ïatreilang ban pynduh jait ïa ka jingdon ki khynnah ki bym nang ban thoh bad ban pule, khnang ba ka Literacy rate jong ka shnong ka thaw kumjuh ka District bad ka jylla kan kiew manla u snem.
Shi bynta na kane ka prokram World Literacy Day na ka liang ki khynnah skul kila shim bynta haka jingrwai, ki jingïakop Drawing-Painting, ka Slogan Writing Competition bad ka Recitation.
