Shillong, Jylliew 28 : Ka Synjuk Kynthei Jaïaw Pdeng ryngkat bad ka Dorbar Shnong Jaïaw Pdeng, ka la pynpaw ïa ka jingsngewsih bad ki pynrem jur halor ka jingshah ktah kti jong ki ar ngut ki khynnah pule na Kerela ha lad Dr H Gordon Roberts Hospital, kaba la jia haka 24 tarik mynta u bnai.
Katkum ka kyrwoh na ka President bad Secretary jong ka Synjuk ka Kong S Khathing bad Kong W Kharkongor kila pynpaw ba kim kwah ba kum kine kiei kiei kin wan jia biang bad ban pynthohbria ïa ka shnong ka thaw khamtam kaba ktah ïa ki khun samla bad ïa ka imlang sahlang.
Kila pynpaw, ba halor kine ki jingjia kiba la jia khah khah ha shnong, kumta ka shnong kam banse ban shim da ki lynti kiba kham eh na ka bynta ka suk ka saiñ ha ka shnong.
Lah ban kdew hangne ba ha ka 24 tarik mynta u bnai arngut ki samla pule na Kerala kiba wan leh internship shane, ki la shah shoh ha Jaiaw ha ka por ba ki dang wan bam jingbam ha kawei ka Restaurant. Kane ka jingjia ka la wanrah ruh ka jingpynrem na kiba bun ki liang.
