Jowai, Nailur 04: Ka jingïalehkai phubol bala pynïaid daka West Jaiñtia District Sports Association (WJDSA) kaba la long mynta ka sngi 4 tarik u Nailur haki ar tylli ki kyrdan kata ka ‘5th Adelbert Memorial Trophy 3rd Division Football 2025 bad ka ‘8th Debo Shullai Memorial Trophy 2nd Division Football 2025 bala pynlong ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong haka kyrdan 3rd Division ka Mookaswan Dongwah SC kala jop da 1-0 kol ïa ka Mooknor Nangbah SC, ïa katei ka shikol na ka Mookyaswan Dongwah SC la thep da u Teimi o Ryngkhlem haka minit ba 68.
Haka jingïakhun kaba ar hapdeng ka Da-i hi Mynsngat bad ka Lumpariat kila poi sha ka jingïakhaid da mar shikol (1-1). Ïa ka kol na ka Da-i hi Mynsngat la thep da u Banker Muksor haka minit ba 34 bad na ka liang ka Lumpariat la thep da u Hababiang Syngkon haka minit ba 55.
Katba haka jingïakhun kaba lai ka SCSC Nonglatem kala jop da 2-1 kol ïaka Sohmynting Dongneiñ, ïa ki kol na ka SCSC Nonglatem la thep da u Budlang Mukhim haka minit ba 26 bad u Kynsai Bhoi haka minit ba 55. Katba ïa ka shikol na ka Sohmynting Dongneiñ la thep da u Chemi Lyngdoh haka minit ba 31.
Haba phai pat sha ka jingïakhun jong ka 2nd Division ka Dongmihsngi kala jop da 2-0 kol ïaka Mupliang, ïa kitei ki kol na ka Dongmihsngi la thep da u Lal rin kima Nangpui haka minit ba 61 bad u Agust Surong haka minit ba 80+2.
