Nongstoiñ, Nailar, 03 : Ka ophis jong ka District Child Protection Unit, West Khasi Hills Nongstoiñ ka pyntip paidbah sha baroh ki nongshong shnong ba hap hapoh ka West Khasi Hills District, ba ka Office ka ai jingïarap na ka bynta ki khynnah kiba hapoh ka 18 snem ka karta kiba hap hapoh ka Sec 2 (14) jong ka JJ Act, 2015, kum ki khynnah kiba shah thombor, shah leh beijot, ki khunswet bad kiwei kiwei bad kumjuh kiba hap ha ka guidelines jong ka sponsorship.
Kane ka jingïarap ka long na ka bynta ban kyrshan ïa ki khynnah ha ka liang ka pule puthi (Education), kumjuh ka jingïarap na ka bynta ka jingsumar ïa kiba don hapdeng ki jingpang jingshitom (Medical). Kumta kito kiba donkam ïa ka jingïarap ki lah ban pyntip da kaba phone ha u Child Helpline toll free Number 1098.
