Kan long ka kabu kaba khraw ïa ka jylla ban ïoh ka jingbhah 50 tylli ki seat ha SMC

Shillong, Nailur 02: Ka sorkar jylla lyngba ka National Medical Commission (NMC) ka la pynskhem ïa ki jingbhah jong ki 50 seat ha ka Shillong Medical College na ka bynta ka snem pule kaba 2025-26.
Ha kaba ïadei bad kane na ka liang ka sorkar ka la buh ïa ki jaka na ka bynta ka Shillong Medical College hapdeng ki 21 tylli ki jaka pule ha ki 13 tylli kiba ïoh ki lad jingïarap ha kaba ïadei bad ki medical seat na ka NMC.
Haba pynthikna ïa kane na ka liang jong ka myntri ka koit ka khiah ka kong Ampareen Lyngdoh ka la ong, “Ka Shillong Medical College ka la don ha ka thup na ka bynta ka jingbhah kaba 50 seat kaba dei ruh ka jingïarap na ka NMC.”
“Haoid kane ka dei ka jingïarap kaba khraw bha ïa ka jylla ha kaba ïadei bad kane ka bynta,” ka la ong.