Shillong, Nailur 01: Ka A·chik Conscious Holistically Integrated Krima (ACHIK) ka la pynpaw ïa ka jingkyrshan kaba ratbah ïa ka jingïakhih ki nongtrei ka Garo Hills Autonomous District Council (GHADC) kiba la duh ïa ka tulop mynta la kumba 44 bnai.
Ha kyrwoh khubor na ka liang jong ka ACHIK ka la ong ba kane ka dei kaba la ktah ïa ka longbriew manbriew bad kumjuh ïa ki longïing longsem naba kane ka dei na ka jingpulom jong ki bor synshar khaddar.
Haba dawa ba kane ka jingpynlait ïa ka tulop kaba 44 bnai ba dei ban pynlait noh mardor na ka liang ka seng ka la ong ba ka sorkar kaba la pynbna ban shimti ïa ka jingai tulop ïa ki nongtrei ki ADC naduh ka 1 tarik u Nailur 2025, kam lah ban long ha kaba ïadei bad kane ka jingsiew tulop.
Na ka liang ka ACHIK ka la kyrshan ba dei ban don ka jing ai jingkheiñ kaba biang ha baroh ki liang.
Ka la banjur halor ka jingpyntreikam ïa ka Service Rule ka ban long kum ka lad ai jingïada ïa ki nongtrei.
Na ka liang ka seng ka pynpaw ïa ka jingdonkam ban wanrah ïa a Online Deposit Systems for revenue collection ban pynduna ïa ka jinglaittuh ïa ka khajna bad ban pyntreikam ïa ka Single-Window Withdrawal System bad kiwei kiwei ki bynta.
