2nd Division: Jop ka PFR; ïakhaid kawei ka jingïalehkai

SHILLONG, Nailur 01: Ka PFR ka la ïoh ban khur ïa ka jingjop ha ka lympung Second Division Football league 2025 ba la pynïaid da ka Shillong Sports Association, ha madan First Ground-SSA Stadium hynne ka sngi Nyngkong, da kaba pynliem noh ïa ka Mawryngkneng SC da 4-1 kol.
Shuwa kane, ka jingïalehkai hapdeng ka Sohryngkham SC bad ka Tynring SC ka la kut ha ka jingïakhaid khlem da don ba lah ban pynkhihjar.
Ki kol na ka bynta ka PFR la thep da u Endy Suting (8’), Peter Strong Lamare (16 & 48’) bad u Edelbert Khongshun (34’), katba ka shi kol jong ka Mawryngkneng la thep da u Mebalabiang Myrboh (34’).