Shillong, Jylliew 27 : Ka Kynhun Myntri kaba la ïa kynduh mynta ka sngi 27 tarik Jylliew 2022 ka la mynjur ïa ka jingwanrah ka jingpynkylla ha ka aiñ Meghalaya Minor Minerals Concession Rules 2016.
Haba kren sha ki lad pathai khubor u Myntri Rangbah ula ong ba mynshwa ba kam don ka jingkdew shai na katei ka aiñ bad ba ki don katto katne ki jingteh kyndon ym shym la ai jingbit ban tih shyiap bad maw da ki tnad sorkar bapher bapher. Mynta ba la wanrah ka jingpynkylla bad ba la kdew shai ruh ha katei ka aiñ ka jingpynkhreh ban ai license bad ai wai (leases) sha kino kino kiba kwah tih shyiap yn sa ai noh da ki tnad sorkar, ong u myntri rangbah.
Ha kajuh ka por ka kynhun myntri ka la mynjur ruh ïa ka Meghalaya Protection of Invest Depositors Financial Establishment Rules.
