Wer ka VPP Youth Wing sha ka jingialang pyrshah drok ha Motphran

Shillong, Nailar 26 : Ka VPP State Youth Wing ka pynbna ba kan don ka jingialang paidbah(Public meeting) ha ka 27/08/25 ha Motphran ha ka por 1:00 baje noh phai sngi, ban pyrshah bad ban pynsngew ia ka jingsngewkhia halor ka jingkharoi sted jong u drok.
Ha ka kyrwoh ba la phah da u President Youth Wing Bah Marbud Dkhar la ong ba ki don bun bah ki khun samla kiba shah teh mraw ha une u jingdih buaid uba long ka dawbah kaba ki longiing longsem ka shnong ka thaw bad ka jylla baroh kawei ka mad ia ka jingshongsyier bad ka jingbym shngaiñ shuh ka iaid ka ieng ha ka imlang sahlang.
Na ka liang ka Youth wing ka kyntu ia baroh ban wan ban ia don bynta lang bad ka party bad ban shim ia ka sien jam ban rad diengkhong ia u drok.