Jop ka Tympang SC haka Second Division, ka Wahiajer SC bad Nongkhroh Rim haka Super Division ka TSA
Mynta ka sngi kan don ka jingïakhun Final jong ka Women's Senior FT-2025.
Jowai, Nailar 22: Ka lympung ïalehkai phutbol jong ka ‘Joybell Suiam Memorial 2nd Division Football League bad ka ‘Kesilroy Pala Memorial Super Division bala pynïaid da ka Thadlaskeiñ Sports Association (TSA) West Jaiñtia Hills kaba la long ha ka 22 tarik u Nailar, 2025 sngi Thohdieng ha madan Wahiajer Multi-Sports Complex.
Haka jingïakhun ba nyngkong jong ka Joybell Suiam Memorial 2nd Division Football League haka por 9 baje mynstep ka Tympang SC kala jop da 5-2 kol ïa ka Pdieñlum SC, ïa ki kol na ka Tympang SC la thep da u Shining Muktieh haka minit ba 13, u Dame Lakiang haka minit ba 28, u Willbert Suja haka minit ba 28, u Rimiki Phawa haka minit ba 46 bad u Rupaia Dkhar haka minit ba 48. Ïa ki ar kol na ka Pdieñlum SC la thep da u Beb Suting haka minit ba 16 bad u Ebiang Shadap haka minit ba 42.
Ha ka jingïakhun kaba ar haka por 11 baje mynstep hapdeng ka Maia Club bad ka Myngkrem SC kila poi sha ka jingïakhaid khlem don kiba ïoh ban thep kol (0-0).
Haba phai sha ka jingïakhun ba nyngkong jong ka Kesilroy Pala Memorial Super Division ka Wahiajer SC kala jop da 1-0 kol ïaka Mukhla Raij, ïa katei ka kol na ka Wahiajer SC la thep da u Niki Pakma lyngba ka Penalty haka minit ba 34.
Ha ka jingïakhun kaba ar ka Nongkhroh Rim kala jop da 3-1 kol ïa ka Heibor Iong-I FC, ïa ki kol naka Nongkhroh Rim la thep da u Wanme Dkhar haka minit ba 2 (own goal) bad u Rahbok Synnah haka minit ba 86 & 90+3. Ïa ka shikol na ka Heibor Iong-I FC la thep da u Edwardson Shylla haka minit ba 33.
La pyntip ba ka jingïakhun lashai ka sngi 23/08/2025 haka kyrdan ‘Joybell Suiam Memorial 2nd Division Football League haka por 9 baje ka Thadmusem pyrshah ïaka Nongkhroh Sohbar, ha ka por 11 baje mynstep ka Tyllilang I Moobakhon pyrshah ïa ka Myntoilang i Bamkamar.
Katba haka kyrdan jong ka Kesilroy Pala Memorial Super Division haka por 1 baje nohphai sngi ka Niriang pyrshah ïaka Mookyndur.
Shuh shuh la pyntip ka jingïakhun Final jong ka Women’s Senior Football Tournament 2025 yn pynlong lashai ka sngi 23 tarik u Nailar haka por 3 baje nohphai sngi hapdeng ka Mukhla Raij pyrshah ïaka Heibor Iong-I ha madan Multi Sport Complex Wahiajer bad la khot ïa ki para Member jong ka seng ban ïadon khnang lashai ka sngi.