Shillong, Nailar 22: Ka Mawpat SC bad ka Mawryngkneng SC ki la jop ïala ki jong ki jingïalehkai jong ka lympung Second Division Football League 2025 ba la pynïaid da ka Shillong Sports Association ha madan First Ground-SSA Stadium, Polo, hynne ka sngi Thohdieng.
Ha ka jingïalehkai kaba nyngkong la sakhi ïa ka Mawpat kaba la pynliem noh da 2-1 kol ïa ka Umpling kol. Baroh lai tylli ki kol ha kane ka jingïalehkai la thep ha ka kylla miet, ha kaba u Thomson Lyngdoh (53′, 66′) u la thep ïa baroh ar tylli ki kol na ka bynta ka Mawpat, katba u Firstborn Marwein (79′) u la ïoh ban pynphai shi kol na ka bynta ka Umpling.
Ka jingïalehkai kaba bud la ïohi ïa ka Mawryngkneng kaba la pynliem noh da 2-0 kol ïa ka Sohiong SC. ïa kine ki ar tylli ki kol la thep da u Andy Kharsati (50′) bad u Banker Mynsong (63′).
Ka jingïalehkai ha kane ka sngi Saitjaiñ kan long hapdeng ka Smit SC pyrshah ïa ka Nongmensong ha ka por 1:45 baje mynsngi.
