Jowai, Nailar 21: Ka resol jong ki jingïalehkai phutbol jong ka lympung ‘Joybell Suiam Memorial 2nd Division Football League bad ka ‘Kesilroy Pala Memorial Super Division bala pynïaid da ka Thadlaskeiñ Sports Association (TSA) West Jaiñtia Hills, kiba la long hynne ka sngi Palei (21 tarik u Nailar, 2025) ha madan Wahiajer Multi-Sports Complex.
Haka jingïakhun ba nyngkong jong ka Joybell Suiam Memorial 2nd Division Football League haka por 10 baje mynstep hapdeng ka Iawpynsin Wahiajer pyrshah ïaka Iongshiwiat kila poi sha ka jingïakhaid da mar 2-2 kol, ïa ki kol naka Iawpynsin Wahiajer la thep da u Lumlamg Nongpluh haka minit ba 54 bad u Marbait Nongpluh haka minit ba 69. Katba ïa ki kol na ka Iongshiwiat la thep da u Tur Pale haka minit ba 12 bad u Helpmi Dhar haka minit ba 37 jong ka kylla step.
Ha ka jingïakhun kaba ar haka por 12 baje mynsngi ka Maskut kala jop da 1-0 kol ïa ka Mukhla Wahshnong, bad ïa katei ka shikol la thep da u Elias Nongspung (32;min).
Haba phai sha ka jingïakhun jong ka Kesilroy Pala Memorial Super Division kila poi sha ka jingïakhaid da mar shikol 1-1 hapdeng ka Pohskur Phyllong ïingkhaw pyrshah ïaka Mookyndur, ïa ka kol na ka Pohskur Phyllong ïingkhaw la thep da u Seibor Nongrum haka minit ba 55, katba na ka liang jong ka Mookyndur ïa ka shi kol la ïoh ban thep da u Samehi Suting ha ka minit kaba 61.
La pyntip ba ka jingïakhun lashai ka sngi 22/08/2025 haka kyrdan ‘Joybell Suiam Memorial 2nd Division Football League haka por 9 baje mynstep ka Tympang SC pyrshah ïaka Pdienlum SC. Katba haka por 11 baje mynstep ka Maya SC pyrshah ïaka Mynkrem United.
Ha ka kyrdan jong ka Kesilroy Pala Memorial Super Division haka por 1 baje nohphai sngi ka Wahiajer SC pyrshah ïaka Mukhla Raij. Katba ha ka por 3 baje nohphai sngi ka Heibor Iong I FC pyrshah ïaka Nongkhroh Rim.
