Ym lah jubab eiei u CEM ïa ki receipt halor ka jingai labour laisen ka tnat, ong u Bah TW Chyne

Shillong, Nailar 19: Ki MDC ka Liang Pyrshah hapoh ka jingialam jong u MDC ka Sohra u Bah T W Chyne uba long ruh u nongïalam ka Liang Pyrshah u la ong ba la ïohi ha kine ki sngi haba ïadei bad ki receipt jong ki jing ai labour license na ka KHADC ha kaba kane kan lah ban ktah bha ïa ka Council.
U Bah Chyne u la ïathuh ba haba ïadei bad kane na ka liang ki MDC ki la pan jingshai na u CEM halor kane ka bynta bad kwah ruh ban tip kaei ka role ne ka bynta jong ka KHADC haba ïadei bad ki labour ne ki nongtrei kiba wan ban trei hapoh u pud u sam ka Council.
“Halor kane na ka liang u CEM um shym la lah ban ai ka jubab bad ong ba u dang shu ïoh jingtip ha ka step sngi baar halor kane bad u la ong ba un sa kylli na ka tnat bad na u EM incharge ban wad bniah halor kane ka kam,” ïathuh u Bah Titos.