Jowai, Nailar 12: Ka lympung ïalehkai phutbol ‘Independence Day Cup Under-17 Football Tournament 2025’ bala pynïaid da ka West Jaiñtia District Sports Association (WJDSA), kaba la long mynta ka sngi 12 tarik u Nailar ha madan Kiang Nangbah Stadium Dongmihsngi Jowai.
Haba phai sha ka jingïakhun Quarter Final kaba nyngkong mynta ka sngi ka Lumpyrtuh kala jop da 5-4 kol ïa ka Catholic Youth lyngba ka jingïashut Tie Breaker.
Ha ka jingïakhun kaba ar ka Khimusniang kala jop da 4-0 kol ïa ka Ladthadlaboh, ïa kitei ki kol na ka Khimusniang la thep da u Vishal Nongpluh haka minit ba 8, u Meroyly Lytan haka minit ba 10, u Richanmi o Lyngdoh haka minit ba 47 bad u Sngewlang Bamon haka minit ba 60.
La pyntip ba ka jingïakhun Semi Final ka long lashai ka sngi 13 tarik jong u Nailar, 2025 hapdeng ka kynhun jong ka Loomionkjam pyrshah ïaka Lumpyrtuh haka por 1 baje nohphai sngi, katba ka Mynsngat pyrshah ïaka Khimusniang haka por 3 baje nohphai sngi.
