Na ka bynta ban ioh ïa ka election kaba khuid ba suba shong jingialang kyrpang ka CEA ha New Delhi

Khliehriat, Nailar 11 : Na ka bynta ka jingïaid beit ïaid ryntih bad ruh ban ioh ïa ka election kaba khuid ba suba ka Cooperative Election Authority (CEA) ha ka sien kaba nyngkong ka la shong ïa ka jingialang kaba kyrpang bad ki bor pyniaid election jong ki jylla lane State Cooperative Election Authorities mynta ka sngi ha New Delhi,kane ka jingïalang ka long hapoh ka jingïalam u myntri rangbah duh ka ri, u Narendra Modi bad u myntri ka kam pohiing jong ka ri u Amit Shah.
La ong ruh ba ki jingwanrah ïa ki jingkylla ha ki Cooperative Sectors ki pynitynnad bad pynlong ryntih.
Ha ka jingïalang ka CEA ka la iakren halor ka phang ban saiñdur ïa ka Code of Conduct na ka bynta kito kiba iakhun election bad ki Multi-State Cooperative Society (MSCS), la ïakren ruh halor ka jingpynlut jong kiba iakhun election, ban pyllait ruh ïa ka jingthoh ne ka handbook na ka bynta ki Returning Officers, ban jied ïa ki delegates na ki dkhot jong ki Cooperative Societies kiba dei lypa ki dkhot ha ki National Cooperative Societies.
Ïa katei ka jingïalang ha New Delhi la pynïaid da u Devendra Kumar Singh, uba dei u shongknor jong ka Cooperative Election Authority bad la ïa shim bynta lang ha kane ka jingiaphylliewjingmut da ki State Election Commissioners kiba na ka jylla Odisha, Bihar, Tamil Nadu, Telangana bad na Maharashtra, la ïa don lang ruh u R. K. Gupta, uba dei u Vice Chairperson bad u Alok Agarwal, Cooperative Ombudsman, u Anand Kumar Jha, Joint Secretary, Ministry of Cooperation.