Jowai, Jylliew 19: Ka Ophis jong u Deputy Commissioner, West Jaiñtia Hills ha ryngkat ka jingïatreilang bad ka SPM IAS Academy Guwahati kan pynlong ïaka “A SUPER 30 UPSC FREE ONLINE COACHING PROGRAMME” na ka bynta ki Candidates kiba dei napoh ka West Jaiñtia Hills.
Ïa kane yn ai jinghikai online khlem ka jingsiew 100% da ki nonghikai ba pawnam jong ka SPM Academy ha ryngkat ki kot pule khlem da donkam jingsiew.
Yn jied tang ïa ki 30 ngut ki samla pule kiba wan shakhmat lyngba ka entrance exam ka ban sa pynlong, ki nongaplai ki dei ban long ki samla pule kiba shong klas Final Year degree bad kiba la pyndep ïa ka Graduate bad kiba dei ruh ki nongshong shnong jong ka West Jaiñtia Hills Distrct.
Kiba don jingmut kin hap ban pyndap ïa ka kyrteng ha ka Form da kaba pynpoi ha lane shwa ka 20 tarik Nailar 2025. Ka Entrance Exam Schedule kan long haka 23 tarik Nailar, 2025 da kaba shim katkum u bnai May, June & July kiba lah ban ïoh na ka SPM IAS Academy Youtube Channel.
Lah ruh ban phah “Hi” ha u number +91 9387861440 ban pyndap ïa ka Google Form bad baroh ki jingtip yn sa pynshisha.
