Jowai, Nailar 11: Ka lympung ïalehkai phutbol ‘Independence Day Cup Under-17 Football Tournament 2025’ bala pynïaid da ka West Jaiñtia District Sports Association (WJDSA), kaba la long hynne ka sngi 11 tarik u Nailar ha madan Kiang Nangbah Stadium Dongmihsngi Jowai.
Haba phai sha ka jingïakhun Quarter Final kaba nyngkong ka Loomïongkjam SC kala jop da 1-0 kol ïa ka Dongmihsngi, ïa katei ka shikol naka Loomïongkjam SC la thep da u Pynskem Chyrmang haka minit kaba 9.
Katba haka jingïakhun kaba ar ka Mynsngat kala pynliem da 6-0 kol ïa ka Panaliar, ïa kitei ki kol na ka Mynsngat la thep da u Ribait Bang haka minit ba 12, 35 & 56, u Wallam Mukhim haka minit ba 43, u Mebantei Mukhim haka minit ba 47 bad u Yooia I Sumer uba la kum thep bakla (own goal) haka minit ba 53.
La pyntip ba ka jingïakhun Quarter Final ka bteng lashai ka sngi 12 tarik jong u Nailar, 2025 ha ki ar tylli ki jingïakhun.
