Nongpoh, Nailar, 07: 2 tylli ki dukan ba kynthup ïa kawei ka dukan sha bad kawei ka dukan shna taïar ki la pra phum hadien ba kawei ka trok kit synsar ka la kylla kynsan bad ban syndon ïa kitei ki dukan.
Kane ka jingjia ka la jia hynne ka step ha ka por kumba 3 baje eiei ha ka shnong Umran Diary ha kaba katei ka trok kaba don ïa u number ML 05 G 2651 bala ñiah da u Meplanlangki Mawthoh ka la kylla kynsan ha kawei ka jaka ba long khongdong bad u nongñiah um lah shuh ban tehlakam ïa ka kali nalor ka jingkhia u synshar.
Ha katei ka jingjia ym shym don na mynsaw lait noh tang ka jingjulor ki dukan bad ki tiar ki tar kiba don shapoh ryngkat bad katei ka trok.
Na ka liang u Bah Banister Kharbihkhiew ba dei u trai dukan u la ong ba donbok katei ka jingjia ka la jia ha ka por mynstep ha ka por bym pat don briew la jin ba katei ka trok kan kylla ha ka por ba la plie dukan ka lah ban wanrah ka jingjia ba sngewsih bad u la pyntip ruh ba ka jingduhnong na ka jingpra katei ka dukan ka la kot sha ki lak namar ki don ruh ki machine shapoh katei ka dukan.
