Jowai, Nailar 07: Ka jingïalehkai phutbol kaba la tip kum ka Independence Day Cup Under-17 Football Tournament 2025, bala pynïaid da ka West Jaiñtia District Sports Association (WJDSA) kaba la long mynta ka sngi 7 tarik u Nailar ha madan Kiang Nangbah Stadium Dongmihsngi Jowai.
Haba phai sha ka jingïakhun kaba nyngkong ka Dongmihsngi SC kala pynliem da 6-0 kol ïa ka Pammanik Social & Cultural SC, ïa kitei ki kol na ka Dongmihsngi SC la thep da u A. Lamare haka minit ba 18, u K Lamurong haka minit ba 24, 41, 50 & 55 bad u K. Swer haka minit ba 60+1.
Katba ha ka jingïakhun kaba ar ka Da-i-hi SC, Mynsngat kala pynliem da 3-0 kol ïa ka Ardameki Demthring SC, ïa ki kol na ka Da-i-ji Mynsngat SC la thep da u Ribait Bang haka minit ba 7 & 35 bad u Afasting Dkhar haka minit ba 27.
Ka jingïakhun lashai ka sngi 8 tarik kan long hapdeng ka Tpep Pale Sports & Youth Affairs pyrshah ïa ka Catholic Youth SC haka por 1 baje shiteng nohphai sngi. Katba ka Dulong FC pyrshah ïa ka Ladthadlaboh SC haka por 3 baje nohphai sngi.
