Nongstoiñ, Nailar, 05: Namar ka jingtihmaw, tih shyiap pathar kaba la ktah shibun ïa ka mariang bad ki um ki wah ha ki jaka kiba hap hapoh ka Mawshynrut Civil Sub Divission u Sub Divissional Officer (SDO) Bah C.P.Mawkon ha ka sngi Baar u la pynjari da Section 163 BNSS ban khang pyrshah ïa baroh kiba tih maw bad tih shyiap beaiñ ha baroh ki jaka kiba hap hapoh u pud u sam jong ka Sub Divission .
Ka jingpynjari hukum ka long hadien ba la ïoh jingtip ba kiba tih shyiap bad tih maw pathar ki dei ki bym shym la ïoh jingbit na ki bor ki bahalor ban tih shyiap bad tih maw.
Kane ka hukum kan trei kam noh mardor bad kino kino kiba pynkheiñ kin ngat ha ka jingpynshitom katkum ki kyndon jong ka aiñ.
