Shillong, Nailar 05: U state president jong ka seng BJP u Rikman G Momin u la pynïar ïa ka kynhun jong ka seng da kaba jied ïa ki 52 ngut ki state executive member, ha ryngkat bad ki 12 ngut ki special invitee bad 4 ngut ki permanent invitee.
Kine ki 4 ngut ki permanent invitee ki kynthup ïa ki MLA u Bah AL Hek (Pynthorumkhrah) bad u Bah Sanbor Shullai (South Shillong) – bad 2 ngut ki state president barim u Bah Shibun Lyngdoh bad Bah Ernest Mawrie.
Kiwei pat ki special invitee ki kynthup ïa u MLA barim u Winnerson Sangma, bad 4 ngut ki state president barim ba kynthup ïa Khlursing Lyngdoh, HS Syiemlieh, Dr W Kharshiing bad Moina Singh Phyllut, retired IAS Wilfred Khyllep, retired MCS LM Sangma, Dr Fenela Nonglait, Dr Rita Tariang, Wandonbok Jyrwa, Banteilang Sing Rumnong bad Dr Praksing Nongrum.
Kane ka jingpynïar ïa ka seng ka la long ha ka jingïalang ha shwa ban khot ïa ka state executive meeting, ka ban long ha Shillong ha une u bnai, ong ka kyrwoh khubor na ka seng BJP.
