Shillong, Nailar 05: U Shakeel Ahmed u la phah ka jingujor ba ha ka 2 tarik mynta u bnai, uwei u briew bym lah ban ithuh u la knieh ïa ka pla jong u kaba don ka pisa kumba T. 1 lak, katba u dang ïaid na Ïewduh sha Jhalupara, Shillong.
Ha kawei pat ka jingjia u Robiclesansman Lyngdoh Kynshi u la phah ka jingujor ba ha ka miet jong ka 31 tarik u Naitung, ki runar bym lah ban ithuh ki la tuh ïa u battery ba shongdor T. 14,000/- na ka JCB na Pyndengumiong Dong Langstiehrim (EWKH).
