Jam ka EJHDFA Second Division sha ka Quarter Final hadien ba la thikna ïa ki 8 tylli ki kynhun

Jowai, Naitung 30: Ka lympung ïalehkai phutbol 2nd Division League Stage 2025 bala pynïaid da ka East Jaiñtia Hills District Football Association (EJHDFA) kaba la long mynta ka sngi 30 tarik ha madan Artificial Ground Diengshynrum, Khliehriat.
Haba phai sha ka jingïakhun kaba nyngkong ka Khliehriat West FC kala jop da 7-0 kol ïa ka Moopynieng SCSO, ïa kitei ki kol na ka Khliehriat West FC la thep 5 kol marwei da u Arlangki Sutnga haka minit ba 10, 20, 34, 47 & 61, u Da o shwa Chyrmang haka minit ba 22 bad u Jesper Pohleng haka minit ba 72.
Ha ka jingïakhun kaba ar ka Iapmala United SC kala jop da 2-0 kol ïa ka Lumputhoi SC, ïa kitei ki ar kol la thep da u Spain Lamo haka minit ba 19 bad u Arly Lamo ha ka minit ba 33.
Katba ha ka jingïakhun kaba lai hapdeng ka Khliehriat East YWSC bad ka Kairang CSC kila poi sha ka jingïakhaid da mar shikol, ïa ka kol na ka Khliehriat East YWSC la thep da u Mihsalan Langstang haka minit ba 72 lyngba ka (penalty). Ïa ka kol na ka Kairang CSC la thep da u Pyrshang Sutnga haka minit ba 17.
La pyntip ki 8 tylli ki kynhun kiba la ïoh ban rung sha ka Quarter Final ki long ka Mulieh YWSC Suchen, ka Moosianglamare Old SC, ka Lakadong Umlatdoh SSC, ka Diengshalalu SC, ka Umlyngsha Youth SC, ka Khliehriat West FC, ka Khliehriat East YWSC bad ka Lumshnong YWSC