Tuklar lem ba ki paid ha khappud kin ïoh jingïada na ka jingkhynra mynder ha Assam : MDC Tura

Shillong, Naitung 25 : U MDC ka BJP na Tura, u Bernard N Marak u la phah da ka dorkhas sha u Myntri Rangbah ban kyrpad ba un tuklar lang na ka bynta ban peit ba ki paidbah ba sah ha khappud kin ïoh ïa ka jingïada na ka jingwan tur ki mynder kiba shah khynra mynta ha ka sorkar Assam.
Katkum ka jingong jong u Bernard, kane ka jingkhynra mynder ha Assam ka lah ban ktah bha ïa ki nongshong shnong kiba don ha ki khappud jongka Meghalaya khamtam ha Ri Bhoi, North Garo Hills bad West Garo Hills.
“Kumta, nga kyrpad ïa phi ba phin tuklar lang khnang ban pyntikna ba ki paid rielwum kiba don ha ki khappud kin ïoh ïa ka jingïada na ki jingwan rung kyrthlep ki mynder,” u la ong ha ka dorkhas ba u phah ha kane ka sngi Thohdieng.