Shillong, Naitung 25: Ka Hynñiewtrep Youth’s Council (HYC) Mawdun Unit ka la aiti ka jingkyrpad sha u Myntri ka tnat Bording ka sorkar jylla u Abu Taher Mondal ha kaba ka la kyntu ïa ka jingtuklar jong u halor ka jingkynnoh ka jingbym ïaid beit ïaid ryntih ka jingpynpoi ka bai bording sha ki nongshong shnong ka shnong Mawdun.
Ha kane ka jingkyrpad, ka HYC ka la kam ba ka jingpynpoi bording sha ki nong pyndonkam ha ka shnong Mawdun kaba la phai dien biang naduh ka snem 2009 haduh 2016, watla kim don ki invoice ne ki bill ba la shna ha kine kipor.
Ki nongshong shnong la ïathuh ba kim lah satia ban sngewthuh ïa ka nongrim jong kane ka rukom kheiñ, ha kaba kane ka lam sha ka jinglut kai ka pisa bad kumjuh ruh ka jingbym sngewsuk ka jingmut jingpyrkhat.
Bun na ki nongshong shnong kidei kiba duna bha haba ïadei bad ka pisa ne ki lad kamai ba biang, kumta ki la angnud ba kan dei ban don ka jingpyrkhat ban ai ka jingpyrkhat kaba ïaryngkat bad ban pynïoh ïa ka jingbishar ba hok na ka bynta jong ki.
Halor kane, ka HYC ka la dawa ïa ka tnat Bording ban pynlong ka jingbishar kam kaba bniah bad kaba stet haba ïadei bad ka jingpynpoi ïa ka bai bording kaba phaidien ne da ki snem barim.
Ka la kyntu ïa ka tnat ban pyrkhat biang ne ban khmih biang ïa kine ki bai bording na ka bynta ka bha ka miat bad ka jingkheiñ kaba shai nalor ka jingshim ki sienjam ban peit lem ïa ki jingeh ba la mad da ki nongshong shnong na ka daw jong ka jingpoi ka bai bording ka bym poi pyrkhat.
