Nongpoh, Naitung 25: Ban ïaid beit ïaid ryntih ka leit ka wan ki paidbah ha ka surokbah National Highway-6 ha Ri Bhoi ha ki bynta jong ka sor Nongpoh, ki Pulit ka tnad Traffic ka Nongpoh wat hapdeng ka jingshir kyrang ka sngi bad ka jingkhluid ka suiñbneng ki pyndep ïa la ka kamram ba la bynshet na ka bynta ka jingsngaiñ ki nongleit nongwan ha kane ka surokbah.
La sakhi ruh halor kane ka jingtrei shitom ki Pulit Traffic ha Nongpoh, ka dei hapdeng ka jingshit tar tar ka sngi bad ba la poi haduh 35°C ka jingkhulidka jingshit bad phewse kum ki nongtrei hapoh ak tnad Pulit kim shym la kynran dien bad ki la pyndep hok ïa la ka kamram ba la bynshet da ka tnad Pulit.
Kumba la sakhi ruh mynta ka sngi, ka jingshit ka la dang kiew ha Nongpoh bad wat la katta kim banse ban pyndep ïa la kamram hapdeng ka jingshit bad ka jingkhluid ka suiñbeng bad bun na ki riew paidbah k la ïohi ïa kane ka jingtrei shitom jongki, ha kaba ki la ai ka jingïaroh kaba shi katdei eh baba ïohi ne sakhi ba ki pyndep hok ïa la kamram ba la bynshet ha ki.
Haba kren halor ki jingtrei shitom ne bun ïa ki kamram ba la bynshet, lah ban ong ba bun ki briew kim sngewthuh, hynrei dei tang kito kein kiba trei hok ki sngewthuh ïa ka jingshitom bad ka jingjynjar bad kum ki riew paidbah ki dei ban sngewthuh bad ai ruh ka jingïaroh ha kaba teng teng ka jingai mynsiem ki riew paidbah kane ka pynshlur ba kino kino kiba trei ïa ki kam ki lah shisha ban pyndep hok ïa la kamram kaba ki dei ban leh la ka long ha kano kano ka jaid kam.
