Plie u Amit Shah ïa ka National Cooperation Policy ha Delhi, angnud ban urlong ki jingthmu u Modi

Delhi, Naitung 24 : Ka Ministry of Cooperation jong ka India kaba la dep saiñdur naduh ka 6 tarik u naitung 2021 ka dei ka jingïohi jngai jong u Myntri rangbah duh ka ri India, u Narendra Modi kaba don ka thong ban kyntiew ïa ka khaïi ka pateng ban kyntiew ïa ka ïoh ka kot jong ki nongshongshnong ka ri bad halor kane, u Myntri ka kam poh ïing jong ka ri, u Amit Shah ha ka sngi Palei u la plie paidbah ïa ka National Cooperation Policy 2025 kaba lyngba ka Minsitry of Cooperation, ïa ka prokram la pynlong ha Atal Akshay Urja Bhawan New Delhi.
Haba kren ha ka jingïalang, u Amit Shah u la pynpaw shibun ki kam pynroi ba la leh da ka sorkar India kiba la long ki jingmyntoi bad iarap shibun ïa ki paidbah nongshongshnong jong ka ri bad ong ruh ba kane ka synjam kan long kaban sah iathuhkhana pateng la pateng ha kaba ïadei bad ka jinglah ban pynurlong ïa ka jingïohi jngai jong u mynri rangbah duh ka ri, u Narendra Modi kaba u la tip kum ka ‘Sahkar Se Samriddhi’.
U la ong ruh ba ka thong jong kane ka National Cooperation Policy 2025 ka long ban kyntiew khamtam eh ïa ki Cooperative Socities bad halor kane ka Ministry naduh u bnai naitung 2021 haduh naitung 2025 ka la buh thong bad thaw haduh 114 tylli ki mat treikam ha ka National Cooperation Policy 2025 bad yn dang thaw shuh shuh ïa ki mat treikam ban kyntiew ïa ka khaïi ka pateng bad ïa ki Cooperative Socities hapoh ka ri India baroh kawei.
Ha kane ka sngi ba pyllait paidbah ïa ka National Cooperation Policy 2025, u Amit Shah u la ong ruh ba kane ka Cooperative Ministry jong ka ri India kaba hapoh ka jingïalam u Suresh Prabhu lem bad 40 ngut ki dkhot la khmihlynti ba kan iaid shaphrang bha ha kaba la dep ruh ban pynlong ïa ki Workshop bad ka jingiaphylliewjingmut bad ki nongïalam jong ki Cooperative Societies, ki riew shemphang kumjuh ruh bad ki heh jong ki tnat trekam bapher bapher, shuh shuh la ong ba ka Committee ka la ïoh pdiang ruh haduh 750 tylli ki jingaijingmut na ki jingïalang ba la dep pynlong bad dei ruh hadien ba la dep ban ïa phylliewjingmut shuh shuh bad ka RBI, ka NABARD ba yn sa shna ïa kane ka National Cooperation Policy 2025.
U Myntri u la kren bad pynshai halor ki mat treikam jong ka Ministry kiba kynthup ïa ki rukom treikam ki Primary Cooperative Society ba kin long kiba iaid beit iaid ryntih, ban pynkhlaiñ ïa ki Cooperative Banks, ban pynkhie im ïa ki Cooperative Socities hapoh ka Income Tax Act, ban pynkhie im ïa ki Cooperative Sugar Mills, ban treikam bha halor ki lai tylli ki kyrdan National Level Multi-State Societies, Capacity Building in Cooperatin ba kynthup ïa ki jingtei ïa ki Cooperative University bad kiwei kiwei ki jingtei, kaba pyntreikam da ki kor ki bor Technology ha ka khaïi ka pateng ban pyntreikam da ki Degital System, u la kren ruh halor ki synjam ba la shim da ka National Cooperative Development Cooperation ba kynthup naduh ki lad ba kyrshan pisa lyngba ka NCDC, ka Floating Interest Rate, kaba thungkam ïa ki samla kiba tbit ha ka kam, ka Saha kar Taxi Cooperative Ltd, ban kyntiew ïa ka kam jngohkai pyrthei bad kiwei kiwei.
Kiwei kiwei pat ki jingbuh thong jong ka Minsitry of Cooperation ki kynthup ruh ka Creation of National Cooperative Database, Policy and Outreach, Multi-State Cooperative Societies, kaba thaw bad wanrah ïa ka Sardar Patel Cooperative Dairy Federation Limited (SPCDF), Cooperative Election Authority bad kiwei kiwei.
La ong ruh ba ki 114 tylli ki mat treikam ba kongsan jong ka Ministry of Cooperation ban kyntiew ïa ka rep ka riang, ka ïoh ka kot jong ki nongshong shnong kaba lyngba ki Cooperative Socities kiba long ruh ka lad ban kyntiew ïa ka khaïi ka pateng ha ka ri kynthup naduh ki jaka sor bad shaduh ki nongkyndong.
Ban pyntikna ba ka rukom treikam kan iaid beit iaid ryntih katkum ka Policy ka tnat Ministry of cooperation kan thaw kawei ka tnat, ka Implementaion Cell khnang ban dup lah ban pyntullun bha ïa ki kam pynroi hapoh ka ri bad kane ka Cell kan ïoh ruh ïa ka jingkyrshan kaba radbah na ka Project Management Unit bad u Myntri ka kam poh ïing jong ka ri u la pynkut da kaba ong ba kane ka Cooperation Policy kan pynlong ruh ïa ki Cooperative Sector ba kin don ka jingïadei haduh 25 snem ban kyntiew ïa ka khaïi ka pateng, ka ïoh ka kot hapoh ka ri.