Jowai, Naitung 23: Ka lympung ïalehkai phutbol 2nd Division League Stage 2025 bala pynïaid da ka East Jaiñtia Hills District Football Association (EJHDFA) kaba la long mynta ka sngi 23 tarik ha madan Artificial Ground Diengshynrum, Khliehriat.
Haba phai sha ka jingïakhun kaba nyngkong ka Lakadong Umlatdoh SSC kala jop da 2-0 kol ïa ka Tpepswer SSWO, ïa kitei ki kol naka Lakadong Umlatdoh SSC la thep da u Emonmi Amkhloo haka minit ba 48 & 80.
Ha ka jingïakhun kaba ar ka Moolamanoh SC kala jop da 2-1 kol ïa ka Ratacherra CSC, ïa ki kol na ka Moolamanoh SC la thep da u Kenny Sixtus Dkhar ha ka minit ba 44 (Penalty) bad u Jesper Dkhar haka minit ba 75. Ïa ka shikol na ka Ratachera CSC la thep da u Aibanshkem Surong haka minit ba 39.
Katba ha ka jingïakhun kaba lai ka Ryntihlang SC Brichyrnot kala jop da 2-1 kol ïa ka Khliehmyntriang SCSC, ïa ki kol na ka Ryntihlang SC Brichyrnot la thep da u Aloius Churmang haka minit ba 7 & 34. Ïa ka shikol na ka Khliehmyntriang SCSC la kum thep bakla da u Precious Sutnga (OG) haka minit ba 66.
La pyntip ba ka jingïakhun kan bteng haka 25 tarik u Naitung ha ki lai tylli ki jingïakhun.
