Rung phainal ka North Liberty ha baroh lai ki kyrdan Under-14 bad U-17

0

Jowai, Jylliew 24 : Ka North Liberty Higher Secondary School Jowai kala ïoh rung syndon sha ka jingïakhun phainal jong baroh lai tylli ki jingïakhun ha ka kyrdan Under-14 ki khynnah shynrang bad Under-17 shynrang bad kynthei, ha ka ‘Inter School Subroto Cup Football Tournament- 2022’ bala pynïaid da ka ophis u District Sports Officer West Jaiñtia Hills District, Jowai ka ban long lashai ka sngi 25 tarik ha madan Kiang Nangbah Stadium.
Haba phai sha ka jingïakhun Semi Final mynta ka sngi 24 tarik ha ka kyrdan Under-14 ka North Liberty H/S School kaba la jop da 3-1 kol ïa ka H.K Singh Memorial Secondary School da ka jingïashut Tie Breaker, katba ka R.C Eve’s Secondary School kala jop da 4-1 kol ïa ka Padu Secondary School da ka jingïashut Tie breaker.
Ha ka jingïakhun jong ki khynnah kynthei Under-17 ka North Liberty H/S School kala jop 6-0 kol ïa ka Riwar Jaiñtia Church of God Secondary School Amlarem, ka Kiang Nangbah H/S School kal jop 3-2 kol ïa ka Police Public Secondary School da ka jingïashut Tie breaker.
Ha ka liang ki shynrang U-17 ka Little Flower H/S School Ummulong kala jop 1-0 kol ïa ka Govt. Boys H/S School. Katba ka North Liberty H/S School kala jop 3-2 ïa ka H.K Singh Memorial Secondary School da ka jingïashut Tie breaker.
Lashai ka sngi yn wan pynhap pyrda da u kongsan ma R. Muksor uba dei u Assistant Director, Information bad Public Relation Office West Jaiñtia Hills District.

Leave A Reply

Your email address will not be published.