New Delhi, Naitung 13: U Myntri Rangbah duh ka ri u Narendra Modi u dang leit jngoh ïa ka Namibia. Ha kane ka sngi, u President jong ka Namibia u H.E. Netumbo Nandi-Ndaitwah u la pynkup burom ïa u Myntri Rangbah duh da ka khusnam kaba heh duh jong ka Namibia – ka ‘Order of the Most Ancient Welwitschia Mirabilis’. U dei u nongïalam ka ri India uba nyngkong ban ïoh ïa kane ka khusnam.
Haba pdiang ïa kane ka khusnam, u Myntri Rangbahduh u la aiti ïa kane ka burom sha ki 1.4 billion ngut ki briew jong ka ri India bad sha ka jingïadei kaba la slem bad kaba neh hapdeng ka India bad ka Namibia. U Myntri Rangbahduh u la pynpaw ka jingsngewnguh kaba khraw ïa u President Nandi-Ndaitwah bad ïa ki briew jong ka Namibia halor kane ka jingpynkup burom.
Ka jingai khusnam ïa u Myntri Rangbahduh ka long u mawmer ha ka jingïadei hapdeng ka India bad ka Namibia bad ka ïeng kum ka jingpynshlur ïa ki samla ha baroh ar tylli ki ri ban rah ïa kane ka jingïatreilang kaba kyrpang hapdeng ki ri sha ki kyrdan kiba kham halor.
