Shillong, Jylliew 23 : U SP jongka East Khasi Hills u bah S.Nongtnger u la pyntip ba ki don haduh saw ngut ki briew kiba la jah rngai na la ïing bad khlem wan phai shuh haduh mynta.
Kine ki saw ngut ki kynthup ïa u Mon Bh Thapa C Kharki 65 snem ka rta uba na Paltan Bazar u la jah rngai bad khlem wan phai ïing shuh naduh ka 28.4.2022. Uwei pat uba jah rngai u dei u Gobar Dhan Rizal 59 snem ka rta uba na Bhutan, Shillong bad une u la jah rngai naduh ka 5.6.1983.
Sa uwei pat uba jah rngai u dei u Md Khayarul Haque 38 snem ka rta une u dei uba na Madanrting bad u la jah rngai naduh ka 6.1.2022. Uwei pat uba jah rngai u dei u Donboklang Thabah ba dang 29 snem ka rta uba dei na Mawlai Nongkwar bad khun jong i kong Eldaris Thabah. Une ul a jah rnga ha ka 4.6.2022.
Lada don kino kino kiba lap bad tip shaphang kine kin sngew bha ban pyntip mar mar sha ki pulit.