Nongpoh, Jylliew 22: Kumba ju leh man u snem ban pynshlur ïaki samla ba kin minot haki jingpule bad ban wan shakhmat haki result jong ka SSLC ban long ruh ka jingai mynsiem ïa kiwei pat ki khun samla ka Award Committee jong ka Jirang Constituency kala rai ban ai khusnam ïaki samla kiba pass haka kyrdan 1st Division kiba kynthup ïaka MBOSE, CBSE bad NCERT jong u snem 2021-22 bad kumjuh ruh kiba pass ha u snem 2019-20 bad 2020-21.
Ïa katei ka jingsam khusnam yn pynlong haka 9 tarik Naitung ha kaba la kyrpad ïaki samla jong ka Jirang Constituency kiba pule hapoh ka constituency bad kumjuh ruh shabar ba kin pynpoi ïaki Marksheet jong ki ha shuwa ka 30 tarik Jylliew 2022 haki nongïalam jong ka Committee.
