Jowai, Naitung 05: Ka lyngpung ïalehkai phubol jong ka kyrdan 3rd Division 2025 League Stage, bala pynïaid da ka East Jaiñtia Hills District Football Association (EJHDFA), kaba la long mynta ka sngi saitjaiñ ha madan Artificial Turf Diengshynrum, Khliehriat East Jaiñtia Hills District.
Haka jingïakhun kaba nyngkong ka Lumshyrmit SCSC kala jop da 1-0 kol Pynurkba Christian SC, ïa katei ka shikol na ka Lumshyrmit SCSC la thep da u Blining Dkhar haka minit ba 38.
Ha ka jingïakhun kaba ar ka Lama Youth SC kala jop da 1-0 kol ïaka Borghat SCSC, ïa katei ka kol la thep da u Sowanki Suchen haka minit ba 20.
Katba haka jingïakhun kaba lai kaba la long hapdeng ka Cham Cham SC pyrshah ïa ka Nongthymme SC kila poi sha ka jingïakhaid khlem don kiba ïoh ban thep kol (0-0).
La pyntip ba ka jingïakhun kan bteng biang ha ka sngi nyngkong 7 tarik ha ki lai tylli ki jingïakhun.
